SCUSA

Musica: M. di Francia
Versi: Depsa

“Scusa…”
è l’unica parola che sai dicere
“Scusa…”
e po’ t’astrigne senza me guarda’.
“Scusa…”
pe’ ‘nu peccato basta ‘nu mumento,
‘na fronna vola addo’ s’a’ porta ‘o viento
ma chi vo’ bbene nun ‘o ppo’ capì .

Me dice : “Scusa… ”
e po’ t’asciutte ‘st’uocchie senza lacrime .
“Scusa…”
è l’unica buscìa che sai truva’
e mmo’
ca ce guardammo comm’a primma sera
si ‘a vocca toia nun parla è cchiù sincera :
senza dì niente dice ‘a verità.