Canzone ‘e Napule

versi: M. di Francia
musica: M.di Francia – A. De Chiara

Aiere stevo sulo ‘mmiez’a via:
‘o mare me ‘ncantava comm’a cche…
Penzavo sulo a tte, Napule mia
e a chello ca mò ‘a gente dice ‘e te:
me dice ca nun sì chell’e ‘na vota,
me dice ca l’ammore nun ce sta…

Dice ca nun sai chiagnere
e nun sai cchiù canta’,
dice ca s’annasconne, mò,
‘o sole ‘e ‘sta città.
Tutte ‘e guagliune ‘e Napule
nun sanno cchiù pazzia’,
ma si nun cante tu
dimme chi canta cchiù…

‘A gente dice ca te sì cagnata,
c‘o sentimento antico nun ce stà,
che l’armunia ‘e ‘na vota se n’è gghiuta:
‘a chiamano “Gomorra” ‘sta città!..
Ma i’ songo figlio a ttè, Napule mia:
sì ‘o primm’ammore ca fa’ ‘nnammura’…!

Pure si nun sai chiagnere
e nun sai cchiù canta’,
pure si s’annasconne, mò,
‘o sole ‘e ‘sta città,
tutt’e ccanzone ‘e Napule
voglio veni’ a canta’
pe’ cchì me vo’ senti’,
pe’ cchì me po’ capi’…
..…………………………............

Tutt’e ccanzone ‘e Napule
‘amma turna’ a canta’
pe’ cchì ce vo’ senti’,
pe’ cchì ce po’ capi’…