Pe’ mme sì stata sulamente ‘na buscìa,
pe’ chist’ammore t’he pigliata ‘a vita mia.
Tutt’a felicità che tu m’he dato
‘na buscia pe’ chistu core è stata.
E mo’ ca tu nun sai turna’ pe’ ‘n’ata via
‘o desiderio ‘e sta’ cu’ ttè è ‘a pena mia.
Tutto l’ammore ca t’avevo dato
nun è passato, nun vo’ passa’ cchiù!...
..................................................
Vicino a ttè ‘o core mio era felice,
sulo cu ttè l’ammore mio truvava pace,
tutto ‘nu munno mo’ te sì purtato
e ‘stì carezze ‘e vvaje facenno a ‘n’ato…
Ma tu...pe’ me… sì stata sulamente ‘na buscìa:
cu ‘na parola t’he pigliata ‘a vita mia.
Tutto l’ammore ca t’avevo dato
nun è passato… nun vo’ passa’ cchiù!...
