AMMORE SCUMBINATO

Musica:  Di Francia
Versi:  Depsa

Ammore scumbinato,
truvato e po’  perduto,
ammore tu me ’a dicere che sì venuto a ffa’.

Ammore strafuttente
ca nun m’e dato niente,
te sì pigliato tutto senza manco ringrazia’.

Ammore chi t’o ddice
ca i’ mo’ nun so’ felice?
Eppure chi t’o ddice sape tutta ’a verità!

Zitto, chianu chianu
tu m’e fatto scemo:
mo’ songh’io ca cerco a tte!...

Ammore mmiez’o ppane 
scetannoce ’a matina
e ’o sole po’ cantava ’na canzone ’nziem’a tte.

Ammore ’nnammurato
ma mai ’na vota sola
e dilla ’sta parola ca si ’a dice fa’ murì.

Ammore senza core,
ammore senz’ammore
te sì levato ’o sfizio ’e me fa’ chiagnere pe’ tte’.

Suonno ’e ’na matina,
suonno fatt’a vvino,
dimme che sì tu pe’ mme...