Ventotene

versi e musica: M. di Francia

Mmiez’o mare ce stà l’isola pe’ ttè,
s’annasconne: piccerella, piccere’.
Quatto case hanno fermato ‘o tiempo,
s’arravogliano ‘int’o viento:
quase nun se vonno fa’ vede’.
Ventotene tene ‘o viento e ‘o mare,
tene tutte ‘e ccose vere,
tene ll’aria d’a felicità…!

Quanta storia ‘ncopp’ all’isola ce stà!
Giulia ce venette pe’ l’eternità.
Quanta storie ce racconta ‘o mare:
dint’o carcere ‘e penziere,
gente ca vuleva ‘a libertà…
Ventotene tene ‘o viento ‘e mare
ca s’avota a maestrale:
‘n’aria doce ca te fa’ sunna’…

……………………………………………………………

Quanno ‘o mare po’ s’arrobba ‘o sole
a che servono ‘e pparole?
Sulamente ‘o core vo’ canta’!
Ventotene tene ‘o viento e ‘o mare,
tene tutte ‘e cose vere,
tene ll’aria ch’è felicità…